Allir føroyskir laksaframleiðarar virka undir lóggávu, ið varð samtykt og íverksett í 2003. Lóggávan er kend sum rakstrarkunngerðin fyri aling. Lóggávan tryggjaði betri eftirlit og stuðlaði undir sjálvbodnari sundurskiljing av aliøkjum og framleiðslu annars. Hetta betraði munandi um fiskaheilsu og -vælferð kring alt landið.
Millum nýggju átøkini í nýggja føroyska alimyndlinum var millum annað, at øki skuldu leggjast í brakk í tíðarbilinum millum hvønn árgangin, skipað immunisering og koppseting móti sjúkum skuldi fáast í lag, avmarkingar fyri flutningi av útgerð og fiski millum øki varð sett í verk, mark fyri tættleika og minstu frástøðu millum aliøki umframt smoltstøðir varð ásett, umframt at leiðreglur vórðu ásettar viðvíkjandi basan av lús.
Bakkafrost innførdi eisini ymisk átøk, og tilsamans hevði hetta við sær, at fellið fall frá 18% til 6%, umframt at tiknu nøgdirnar í kruvdari vekt vuksu við 20% millum 1993 og 2010, fóðurfaktorurin betraðist munandi, og effektiviteturin vaks við meira enn 40% í sama tíðarskeiði (kelda: www.avrik.fo).
Mongu átøkini geva tilsamans sera góðar fortreytir fyri laksaaling í Føroyum, samstundis sum tey betra um forsøgnið í alingini og framleiðsluni.
Bakkafrost er eisini undir strangum eftirliti frá Umhvørvisstovuni í mun til at tryggja, at øll framleiðsla fer fram sambært føroyskari lóggávu.