Ein leskilig, løtt uppskrift, ið fer at gleða familju og vinir, tá ið tað verður borðreitt. Tann leskiligi rætturin er bert møguligur við laksi frá Bakkafrost. Tað er bert tørvur á nøkrum fáum tilfari, so hevur tú rættin.
(til 4 fólk/høvuðsrættur ella 8 fólk/forrættur)
6 laksastykkir á 125 gr.
4 piparfruktir (gjarna í ymiskum litum)
25 svartar oliven
2 nevar av jarðnøtum ella mandlum
Sitrónpipar
Laki:
Saftin av ½ sitrón
3 spsk. olivenolju
2 spsk. hunang
2 pungar av pressaðum hvítleyki
1 cm av rivnum ingifer
Rør lakan saman og legg laksin í laka í kuldaskáp minst 3 tímar, gjarna eina nátt.
Sker piparfruktina í bitar, uml. 3x3 cm og rist á pannuni í einum sindri av smøri.
Legg laksin í eitt eldfast fat og stroy við sitrónpipari.
Legg olivin, nøtir og stoktu piparfruktirnar omaná.
Set í ovnin á 180°C í 15 min.
Rætturin smakkar best við jasminrísi og kanska einum góðum matbreyði afturvið.